asalto ao castelo

O número XIV Já é umha realidade!!!!

2009-06-26T14:25:00.002+01:00

Pois é. O VIV Asalto Irmandinho da Terra de Soneira já está preparado para o 4 de Julho.
Se querem vocês mais informações, passem polo http://asaltovimianzo.wordpress.com
Lá tem a informação ao dia.
Apertas irmandinhas desde Vimianço, na Terra de Soneira, Costa da Morte, A Galiza.

Já imos com o XIII

2008-03-06T14:55:00.004Z

E pois é. Esta já é a decimoterceira festa irmandinha de asalto às Torres dos Moscoso.
A gente já anda trabalhando e argalhando na sua cabecinha os preparativos deste ano.
A rifenha já fica disposta para vos contar todas as novidades.
Um ano mais. Bem-vindos
Este ano, o nosso endereço mudou:
http://asaltovimianzo.wordpress.com/
Agardo-vos por alí.
Aperta.

Até mais ver, companheiros

2007-07-20T12:25:00.001+01:00

Com esta derradeira foto, esta minha, despido-me de võs.
A associação AXVALSO seguramente seguirá a trabalhar para preparar um asalto ainda milhor para o ano que vem, onde possam participar novos e velhos, onde tudos possam dançar baixo a lua de Soneira, mentras asaltam o castelo do poder estabelecido a travês da festa.
Viva a Revoluçao da festa e a música !!!!

Se queredes seguir a me visitar, podeedes passar por :
http://oescunchador.blogaliza.org/
ou também:
http://historiasderavaleiros.blogspot.com/

Apertas.

O video-resume

2007-07-19T19:02:00.000+01:00

Mais imagens

2007-07-18T17:27:00.000+01:00

As fotos. Primeira tanda.

2007-07-13T08:32:00.000+01:00

Antes de nada, dizer que, ainda que tudos tiramos fotos, estas que ides ver, sao gentileça dumha profissional, que podedes visitar na sua página http://www.anagarcia.es/

Hoje vou pôr algumhas. Manhà, outra tirada:

Amanhà mais.
Apertas.

Como fui

2007-07-11T17:22:00.000+01:00

De certo que saí da casa dum jeito excepcional, pois levo um tempo algo atrosmada.

Mas valeu a pena.

A afluenza de público foi tanta , que às dez da nuite, jà se rematara a ceia medieval por esgotamento de existéncias, mália serem repostas várias vezes, no tocante aos chouriços e ao vinho.

A escenificación, muito bem conseguida. Ainda com gente que escapou para o foso do castelo antes de tempo, para arrepanhar as vexigas de água. O combate entre Alonso de Lanzós e o Comendador, excelente e o ariete, magnífico, mália numha marcha atrás quase perder a parte central da barriga, por ir parolando com Cristina e nao nos decatar de que os irmandinhos portadores recuavam para tomar pulo.

Os grupos, de maravilha.

Os primeiros, Deixa que xa,muito elegantes com suas danças Cárpato-Balcánicas, que nao Carpeto-Vetónicas, dançaronm kolo e demais danças dessas zonas. Botei a faltar um bom sirtaki colhidos dos hombreiros. Para outra vez será.

Berrogüeto na sua linha de sempre, magníficos, com nossas danças e cantigas mais requintadas.

A meiga galáctica. espectacular.

E Pé de Boi...

Que dizer de Pé de Boi...!

Se mesmo eu me pusse a dançar suas "muinheiras Balcánicas"

Umha fanfárria boíssima para dançar .

Que me perdoem os do último grupo, mas eu jà fum embora quando iao começar. Erao quase as seis da manhà.

Espero que os que vos achegastes o passases bem e, para o ano, melhor ainda, que esto vai medrando, ainda que sem perder a sensaçao de ficar em família.

Obrigados a tudos por asistires e polo bo recordo da nuite co que nos quedamos.

Deixade-me uns diinhas de repopuso, para subir as fotos deste ano.

Entretanto, deixo-vos este pequeninho clip de Pé de Boi, aló polas Terras do Ulha Estradense, de onde vem.

Aperta.

Tudo organizado

2007-06-12T14:26:00.000+01:00

Agora mesmo acabo de receber por e-mail tudo o referente à festa do Asalto deste ano.
Hà cousas que jà ficam explicadas na primeira entrada. Do resto, agora mesmo informo:

PROGRAMA

PARA OS MAIS PEQUENOS:

ACTIVIDADES LÜDICO-IRMANDINHAS!!!

Praza da Igrexa (12:00h)
Xogos e Malabares: Buxainas, Mariola, Diábolo, Ra, Goma, Chapas, Aros...

Pinta “Mandalas” no Chan

Actividades co Paracaídas

Contacontos e globoflexia
Con

Lavadeiro da Irmandade (17:30h)

AsaltoXogos Populares e Tradicionais

Petanca, Chave e Ra

Zancos e Porca

Bolos, Birlos, Ariños e Bólas

Carreiras de Sacos

Tira-soga e Comba...

Obradoiro Irmandiño

(con refugallos)

PARA OS MAIS GRANDES:

20.30 H. -TOUCIÑO Á GRELLA E VIÑO DO PAÍS, DE BALDE

22.00 H. – CONCERTO DEIXA QUE XÁ

23.00 H. – CONCERTO BERROGÜETTO

00.30 H. -ASALTO Ó CASTELO

01.30 H. – CONCERTO PÉ DE BOI

02.30 H. –CONCERTO BLACK BUM

INFO:

-Entrada libre

-Zona de acampada

-Sen Botellón, a festa sufrágase cos ingresos recadados na cantina situada no campo da festa.

Informaçao dos Grupos- Agás de Berrogüeto que jà conhecedes pola entrada anterior-:

22.00 DEIXA QUE XA

Este peculiar grupo cosmopolita aposta polo intercambio e irmandade entre culturas.

Deixa que xa creouse no ano 2000 e actualmente está composto por seis músicos e seis bailaríns.

Todo o seu repertório inspírase nas músicas e danzas tradicionais, respectando e protexendo as diferencias culturais dos seus compoñentes.

Expresión de sentimentos, celebración de acontecementos e evolución en cambio constante. Eles defenden o rexurdimento das músicas e danzas tribais para que saian do seu entorno e recobren vida.

23.00 BERROGÜETTO

01.30 PE DE BOI

O grupo Pé de Boi preséntase como unha formación atípica dentro do panorama musical galego, tanto polo seu repertorio como pola súa música. A súa identidade propia queda ben definida no seu terceiro disco: Ano de Brétema, onde se prescindiu premeditadamente do uso da gaita na instrumentación.

Recoñecen influencias tanto das formacións tradicionais galegas como das bandas de música dos Balcáns, os ritmos afrolatinos e as harmonías árabes.

Definidos como "os novos alquimistas da música galega” presentan unha traxectoria única e e unha formación orixinal, unidos a un estilo propio e diferenciado.

02.30 BLACK BUM

Formación composta por once experimentados músicos chegados de distintos universos musicais e de procedencia tan diversa coma Brasil, Senegal e Galicia. Black Bum está considerado un dos grupos revelación deste ano en Galicia. A banda combina nos seus ritmos diferentes influencias de música negra: samba, funk, jazz, reggae, hiphop, electrónica...

A súa primeira gravación realizouse para participar nun dos festivais de reggae máis importantes do país, onde acadou o primeiro premio: O Foundation Reggae Festival. Tamén foron gañadores da final Norte do concurso organizado por Dyc no 2006. Neste ano o grupo está a gravar a súa segunda demo coa que espera consolidarse no panorama musical nacional.

O son de Black Bum sorprende, invita a bailar e deixa moi bó sabor de boca alá onde se presente, facendo que xentes de tódalas idades, condicións e tendencias gusten do seu carácter e singularidade no directo.

Como vedes, tudo listo para passar umha nuite de festa rachada e história. De revoluçao festiva.

Os melhores desejos para os que se animem a vir a Vimianço.

Jâ falta menos

2007-06-11T12:28:00.000+01:00

Cada dia que passa, os preparativos para o Asalto vao colhendo mais velocidade e também mais nervos.
Os trajes, os papeis de cada personagem, a organiçaçao...
Ainda nao tenho o cartaz anunciador, que suposso me passaram aginha para que o podades ver, mais sei que un dos grupos participantes é um dos mais importantes hoje no panorama da música do pais, que leva jà umha trajectória bem acreditada dende hà tempo.

BERROGÜETO.

Muitos de vós, se sodes de fóra e afeiçoados à nossa musica verias atuar a Berrogüeto em festivais coma Ortigueira,que tem muita reperccussao fóra da Galiza.
Aos galegos nao lhe tenho que explicar nada de Berrogüeto.
Só vos deixo aquí umhas mostras deste grupo e o seu fazer: Hà para todos os gostos. Dende arte conceitual a romaría galega aberta a tudo o que goste e sinta a nossa música:

Umha marcha com a Banda de gaitas Xarabal

Novas do Asalto

2007-04-29T18:54:00.000+01:00

Esta entrada é para comunicar que vai haver um terreo para acampar a carom do cenário dos concertos e ao pé do castelo.

É um terreo que umha boa gente de Vimianço, cede de graça para os que queiram vir com tenda.

Alí mesmo, hà um lavadoiro dos de antes, restaurado e com água corrente.

O que nao hà é sanitários, ainda que há um bar ao outro lado da estrada para sair dum apuro.

Numha próxima entrada, tentarei fazer um resume das cousas interesantes do Concelho de Vimianço. Se vides com tempo para passeiar, conhescer e ver, hà muitas cousas incriveis neste recuncho do fim do mundo...

XII Asalto Irmandinho ao Castelo de Vimianço

2007-04-21T08:02:00.001+01:00

A associaçom AXVALSO: "Associaçom Xuvenil Val de Soneira", leva jà doce anos organizando a Festa Irmandinha do Asalto ao Castelo - Fortaleça de Vimianço.
A través destes doce anos, hà muitas histórias que contar.
Este blogue pretende ser umha plataforma para que, a partir de aquí, tudos e tudas possam entrar para fazerem suas aportaçoes, comentários, perguntas ou quaisquer cousa que se vos ocorra.

Para ilustrarnos um chisco, que nunca vem mal, imos começar com a história da fortaleça, que é um pouco a história do nosso val, da Costa da Morte, em geral, e mesmo da Galiza a partir do medievo:

Para esso temos a Wikipédia, que nos conta todinha a história da fortaleça:

"Construido entre finais do século XII e principios do XIII, posiblemente pola familia Mariño de Lobeira. Desta primeira construción apenas queda nengún vestixio, pese a que escavacións arqueolóxicas levadas a cabo na década dos oitenta descubriron os cimentos dunha gran torre no actual patio de armas.
No ano 1348 o rei Afonso XI confiscou esta fortaleza a Roi Soga Mariño de Lobeira, para venderlla ao arcebispo compostelano Xoan García de Manrique. Pasou despois a mans do duque de Arjona, Fadrique Enriquez e calcúlase que entre 1425 e 1429 pasou por primeira vez a formar parte das propiedades dos Moscoso. A historia deste castelo vincúlase dende entón a nobre familia dos Moscoso de Altamira, emparentados coa familia dos Traba, familia a dos Moscoso que constituirán o Condado de Altamira na persoa de Lope Sánchez de Moscoso, primeiro conde de Altamira.
Neste lugar tivo Pedro Madruga preso ao bispo de Tui, Diego de Muros, que pagou polo seu rescate setecentos mil reais.
Durante a revolta irmandiña este castelo non foi unha excepción, asediado foi tomado polas armas e destruido en 1467. Pouco antes, en 1465, serviu de prisión para o Arcebispo de Compostela Alonso de Fonseca II, engaiolado nunha xaula (que a lenda dí de ouro), durante dous anos, por orde de Bernal Sánchez de Moscoso.
Ó rematar a revolta o castelo reconstrúese por orde de Fonseca II. non será ata 1472 cando volte a máns dos moscoso por obra do Conde de Altamira, Lope Sánchez de Moscoso. A partir deste momento será o centro da xurisdición señorial de Vimianzo, con dominio sobre Camariñas, Laxe, Zas e Muxía.
A partires do século XVI co traslado dos Altamira a corte administrarán as súas posesións os alcaides ou meriños.
En 1833 suprímense as xurisdicións señoriais e so Altamira venden o castelo en 1870 a Ramón Martelo Núñez.
A última gran reforma foi realizada no século XIX por Evaristo Martelo Paumán, Marqués de Almeiras, xa que nesta época o castelo estaba en bastante mal estado polo que acometeu obras para facelo habitable. Posteriormente a súa filla, Dolores Martelo de la Maza, solteira e sen descendencia, cedeu a fortaleza, ironias do destino ao Arcebispado de Santiago, que tanto puxara por él en tempos pretéritos. Finalmente en 1973 foi comprado pola Deputación da Coruña, que o acondicionou para a súa visita."

Jà vedes: Os Moscoso- A cabeça de lobo do seu ecudo de armas figura no escudo do nosso concelho-, os Altamira, os Traba, Pedro Madruga, os Irmandinhos, o Arcebispo Fonseca...
Também o poeta Evaristo Martelo Paumán-o apelido de la Maza é Martelo castelaniçado, nao é?-

Só falta nesta história um dato glorioso e triste, que recolhe Luis Lamela no seu livro sobre a repressom franquista na Costa da Morte:

Nos primeiros dias do mes de Avril do 1936, o alcalde de Vimianço, ao frente dos republicanos de todo o concelho, tomam o castelo como símbolo da sua rebeldia contra o golpe militar.
Já vos podedes imaginar como rematou o alcalde, ainda que nom chegou a se saber nunca, e a maior parte destes republicanos-irmandinhos do século XX.

Bem, pois contada jà a História, agora imos contar a história, ou as histórias da festa que organizam os moços e moças de Axvalso.
Nestes once anos passados, forom mudando cousas e permanecendo outras, assim como na vida também hà cousas que mudam, mas ideias q8ue nos animam e nom mudam nunca em nossos projectos.

A Ubicaçom:

Quando o festival enceta sua andadura, o cenário dos concertos era um campo público que fica diante do paço da família Noguera Paz y Garcia de Seárez, comunmente chamado Paço de Trasarîs.

Após de dous anos sem problemas, a devandita família chama a Guarda Civil para que impeda a celebraçao alegando que o campo é seu.
O alcalde lava as mans e a família planta umhas tulhas arredor do campo que, na lembrança da vizinhança mais velha, sempre fora propriedade comunal.

Bem. Jà sabedes como vam as cousas pola Costa da Morte. Que vos vou contar.

Para o seguinte ano, outra família da vila que reside em Compostela e tem umha leira ao mesmo pé do Castelo, cede de graça o terreio e alí se celebra a festa durante uns anos.

Por fim, nestes últimos anos, a festa celébra-se no Lavadoiro da Torre, baixando pola estrada da Corunha a mao dereita, um terreio municipal cumhas fermosas vistas do castelo iluminado.

Os Grupos:

Polo festival tem passado grupos de música de tuda caste de estilos e jeitos de actuar:

Desde as Mulheres Caboverdianas, Alberto Bundi e a Turma Angologalaica, Os Festicultores Troupe, Macfeck, Golem System,Xurxo Souto e os Tres Trebons, Os Cuchufellos, e outros tao bons coma eles, mas que agora seria algo longo enumerar.

Mas, se algúm deles lé o blogue, pode-se ir pondo, assim, em inter-ativo, que agora é o que mola.

Seria um verdadeiro prazer.

A Filosofia:
Em palàvras das própria associaçom, a filosofia da festa seria mais ou menos esta:

"O nacemento desta festa parte desta asociación cultural chamada Axvalso (Asociación Xuvenil Val de Soneira) que decide conmemorar por vez primeira no ano 1995, as revoltas irmandiñas que tiveron lugar no castelo de Vimianzo durante os anos 1467-1469.

A festa parte do concepto “teatro nas rúas “ e o seu obxectivo principal é a diversión e a participación activa do público.

campesiñ@s a asaltar o castelo, defendido por un monstro-señor acompañado dun grupo de defensores.

A partires deste sinxelo esquema desenrolanse os elementos teatrais que interactúan co visitante. Os asistentes deben moverse activamente para participar na historia, recibir o guerreiro, descubrir a meiga e xuntos coller o ariete que romperá as portas do castelo. Seguindo o percorrido chégase a fortaleza onde ten lugar unha batalla cómica entre defensores e irmandiños, a queima do señor e o asalto final da torre.

O comité organizador parte dun concepto moi claro, esta non é unha festa histórica entendida ó modo tradicional. O asalto ofrece importantes diferencias con respecto a outras festas que se realizan actualmente en Galicia.
A representación parte dun concepto histórico pero se articula en función da capacidade de sorpresa e diversión, se fusiona o moderno e o clásico, o absurdo e o cabal, o serio e o cómico. Sempre mantendo unha idea clara e única, a mensaxe revolucionaria dos irmandiños que segue vixente neste comenzo de milenio.

>

Esta festa acompáñase coa organización de diferentes actividades pola tarde, teatro para nenos, pasarúas, malabares, títeres...e un concerto étnico-folk no que actúan varios grupos, antes e despois de asaltar ó castelo."

Só me queda dizer que este ano a festa será o 7 de Julho, que aguardamos por todos e todas vós e que a festa nao vos vai defraudar.
E em esso, empenho minha palàvra.

Haverá toucinho enfrevelhado, vinho e chouriços à grelha de graça e sem límite, até esgotar as existências.

Também toda caste de licores, cerveja, camisolas...Esto jà pagando um prezo razoavel, jà que a festa auto-financia-se quase na sua totalidade.

E o melhor: Tudos poderedes participar na leva do ariete e dos fachoes, na batalha de vexigas de água, escuitar a prédica do bispo sobre as muralhas, chamando-vos ao arrepentimento, ou ver estoupar ao senhor do Castelo numha fonte de fogos de artifício.

Umha nuite inesquecível.

Este blogue ira-se actualizando, quando se saiba o programa deste ano e nasce com a ideia de que todo o mundo possa entrar, ver e participar.
Para contatar com a organiçaçom:

asvalxo@hotmail.com

Umha aperta para tudos desde o Val de Soneira, Vimianço, coraçao da Costa da Morte.
Bicos.